ഭക്ഷ്യവിഷബാധ; ചിതറ സ്വദേശിനി കോഴിക്കോട് മെഡിക്കൽ കോളേജിൽ മരിച്ചു

ചിതറ: ഭക്ഷ്യവിഷബാധയെ തുടർന്ന് ചികിത്സയിലായിരുന്ന ചിതറ അയിരക്കുഴി പുണർതത്തിൽ സ്വദേശി ശിവ്യ വിജയൻ (28) കോഴിക്കോട് മെഡിക്കൽ കോളേജിൽ ഇന്ന് രാവിലെ മരണപ്പെട്ടു. മലപ്പുറത്തെ സ്വകാര്യ ആശുപത്രിയിൽ ജോലി ചെയ്യുകയായിരുന്ന ശിവ്യ, ഹോട്ടലിൽ നിന്നും ഭക്ഷണം കഴിച്ചതിനുശേഷം അസ്വസ്ഥത അനുഭവപ്പെട്ടതോടെയാണ് മെഡിക്കൽ കോളേജിൽ പ്രവേശിപ്പിച്ചത്. മേയ് 2-ന് ചികിത്സക്കായി പ്രവേശിപ്പിച്ച ഇവർ ഇന്ന് രാവിലെയാണ് മരിച്ചത്.

മൃതശരീരം ഇന്ന് രാത്രി കടയ്ക്കൽ താലൂക്ക് ആശുപത്രി മോർച്ചറിയിൽ എത്തിക്കും. നാളെ രാവിലെ 8 മണിയോടെ വീട്ടിലെത്തിക്കുമെന്ന് കുടുംബാംഗങ്ങൾ അറിയിച്ചു.

കടയ്ക്കൽ സി.ഡി.എസിന് കുടുംബശ്രീ കലോത്സവത്തിൽ ഒന്നാം സ്ഥാനം

കടയ്ക്കൽ: കൊട്ടാരക്കര - ചടയമംഗലം ക്ലസ്റ്റർ കുടുംബശ്രീ അരങ്ങ് 2025 കലോത്സവത്തിൽ കടയ്ക്കൽ പഞ്ചായത്ത് സിഡിഎസ് (CDS) ഉജ്ജ്വല പ്രകടനം കാഴ്ചവെച്ച് ഒന്നാം സ്ഥാനം കരസ്ഥമാക്കി. കരീപ്ര പഞ്ചായത്താണ് രണ്ടാം സ്ഥാനത്തെത്തി. കരീപ്രയിലെ നാല് വേദികളിലായി നടന്ന മത്സരങ്ങളിൽ കൊട്ടാരക്കര ബ്ലോക്കും മുനിസിപ്പാലിറ്റിയിലെയും സിഡിഎസുകളും പങ്കെടുത്തു.

സമാപന സമ്മേളനം ചടയമംഗലം ബ്ലോക്ക് പഞ്ചായത്ത് പ്രസിഡന്റ് ലതിക വിദ്യാധരൻ ഉദ്ഘാടനം ചെയ്തു. എസ് എസ് സുവിധ അധ്യക്ഷയായി, എ അഭിലാഷ് സമ്മാനദാനം നിർവഹിച്ചു. രാജേശ്വരി ഷാമിലാദേവി, ഷാലിമ,,ബേബി ഷീല, അജിത ഷീലാകുമാരി, സജിത ബൈജു, എം ആശാമോൾ, സി സജീവ് എന്നിവർ സംസാരിച്ചു.

കിളിമാനൂരിൽ അപകടത്തിൽ യുവാവ് മരിച്ചു; മൃതദേഹം ഇതുവരെ തിരിച്ചറിയാനായില്ല

കിളിമാനൂർ: കഴിഞ്ഞ രാത്രി കിളിമാനൂർ തട്ടത്തുമലയിൽ ഉണ്ടായ വാഹനാപകടത്തിൽ ഗുരുതരമായി പരിക്കേറ്റ യുവാവ് മരിച്ചു. ഇയാളുടെ മൃതദേഹം കടയ്ക്കൽ താലൂക്ക് ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണ്. ഇദ്ദേഹത്തെ തിരിച്ചറിയാൻ ഇതുവരെ കഴിഞ്ഞിട്ടില്ല. യുവാവിനെക്കുറിച്ച് അറിയുന്നവർ കിളിമാനൂർ പോലീസിലോ കടയ്ക്കൽ താലൂക്ക് ആശുപത്രിയുമായോ ഉടൻ ബന്ധപ്പെടണമെന്നാണ് അഭ്യർത്ഥിക്കുന്നു.

മോഷ്ടിച്ച ആംബുലൻസിനെ ഉപേക്ഷിക്കപ്പെട്ട നിലയിൽ ചിതറയിൽ കണ്ടെത്തി

കടയ്ക്കൽ: മോഷ്ടിച്ച ആംബുലൻസിനെ ഉപേക്ഷിക്കപ്പെട്ട നിലയിൽ കണ്ടെത്തി. ചിതറ- പാങ്ങോട് റോഡിൽ ചിതറ ഗവ. ഹൈസ്കൂളിന് മുന്നിലാണ് വാഹനം ഉപേക്ഷിക്കപ്പെട്ട നിലയിൽ കണ്ടെത്തിയത്. നെടുമങ്ങാട് പനവൂർ പി. ആർ ഹോസ്പിറ്റിലിന് മുന്നിൽ പാർക്ക് ചെയ്തിരുന്ന ആംബുലൻസ് ആയിരുന്നു ഞായറാഴ്ച പൂർച്ചെ രണ്ട് മണിയോടെ മോഷണം പോയത്. കെ. എം. വൈ. എഫ് കനിവ് പനവൂർ മേഖല കമ്മറ്റിയുടെ ആംബുലൻസാണ്. ആശുപത്രിക്ക് മുന്നിൽ ഇരുന്ന ബൈക്കും മോഷ്ട്ടാക്കൽ മോഷണം നടത്താൻ ശ്രമിച്ചിരുന്നു. രണ്ട് യുവാക്കളാണ് മോഷണം നടത്തിയതെന്ന് ആശുപത്രി സി. സി. ടി. വി ദ്യശ്യങ്ങളിൽ നിന്നും വ്യക്തമാണ്. 

ആശുപ്രതിയ്ക്ക് സമീപത്ത് മറ്റൊരു ബൈക്കും ഉപേക്ഷിക്കപ്പെട്ട നിലയിൽ കണ്ടെത്തിരുന്നു. ആoബുലൻസ് ഉപേക്ഷിക്കപ്പെട്ട സ്ഥലത്ത് നിന്നും ചിതറ പോലിസിൻ്റെ നേതൃത്വത്തിൽ വാഹന ഉടയയ്ക്ക് വാഹനം കൈമാറി. ഉടമയുടെ പരാതിയിൽ നെടുമങ്ങാട് പോലീസ് അന്വേഷണം ആരംഭിച്ചു.

ധാർമിക മൂല്യങ്ങൾ വീണ്ടെടുക്കേണ്ട സമയം; കടയ്ക്കൽ മൗലവി

കടയ്ക്കൽ: നഷ്ടപ്പെട്ടുപോയ ധാർമിക മൂല്യങ്ങൾ വീണ്ടെടുക്കാൻ വിദ്യാർത്ഥി യുവജന സമൂഹം യത്നിക്കണമെന്ന് കേരള മുസ്ലിം ജമാഅത്ത് ഫെഡറേഷൻ പ്രസിഡണ്ട് കടയ്ക്കൽ അബ്ദുൽ അസീസ് മൗലവി അഭിപ്രായപ്പെട്ടു. കടയ്ക്കൽ മുക്കുന്നം മന്നാനിയ ബനാത്ത് യത്തീംഖാനയുടെ ആഭിമുഖ്യത്തിൽ സംഘടിപ്പിച്ച പാരന്റിങ് ക്ലാസ് ഉദ്ഘാടനം ചെയ്യുകയായിരുന്നു അദ്ദേഹം.

അറിവ് ആവോളം നേടിയെങ്കിലും തിരിച്ചറിവ് നഷ്ടപ്പെട്ടതാണ് ഇന്നിന്റെ ഏറ്റവും വലിയ പോരായ്മ.സ്നേഹത്തിനുപകരം വെറുപ്പും വിശ്വാസത്തിന് പകരം വർഗീയതയും വല്ലാതെ പടർന്നിരിക്കുന്ന കാലത്ത് നേരിന്റെയും നന്മയുടെയും തിരിച്ചറിവിൻറെ സന്ദേശം പകരാൻ വിദ്യാർത്ഥി സമൂഹം രംഗത്തുവരണം.ലഹരിക്കും വർഗീതയ്ക്കുമെതിരെയുള്ള പോരാട്ടം കാലഘട്ടത്തിൻറെ തേട്ടമാണെന്നും മൗലവി പറഞ്ഞു.

കടയ്ക്കൽ ജുനൈദിന്റെ അധ്യക്ഷതയിൽ കൂടിയ യോഗത്തിൽ ഡോക്ടർ ഉമർ ശിഹാബ് വിഷയം അവതരിപ്പിച്ചു.ഹാഫിസ് അബ്ദുല്ലത്തീഫ് മൗലവി ഈരാറ്റുപേട്ട,എ എം ഹനീഫ,ഹാഫിസ് ഉനൈസ് മൗലവി കൊടുവള്ളി,എ എം യൂസുഫുൽ ഹാദി എന്നിവർ സംസാരിച്ചു.

കടയ്ക്കൽ കിംസാറ്റ് ആശുപത്രിയിൽ സെക്യൂരിറ്റി ഓഫീസർ തസ്തികയിൽ ഒഴിവ്

കടയ്ക്കൽ: ഗോവിന്ദമംഗലത്തെ കിംസാറ്റ് ആശുപത്രിയിൽ സെക്യൂരിറ്റി ഓഫീസർ തസ്തികയിൽ ഒഴിവ്. മിലിട്ടറി അല്ലെങ്കിൽ പോലീസ് സേനയിൽ ഓഫിസർ റാങ്കിൽ സേവനം അനുഷ്ഠിച്ച് വിരമിച്ച 48 മുതൽ 56 വയസ്സുള്ള ഉദ്യോഗാർത്ഥികളെയാണ് ഒഴിവിലേക്ക് ക്ഷണിക്കുന്നത്. അപേക്ഷകൾ 2025 മെയ് 15 വരെ സ്വീകരിക്കുന്നതാണ്. അപേക്ഷകർ കിംസാറ്റ് ആശുപത്രിയുടെ സെക്രട്ടറിയെ നേരിട്ട് അല്ലെങ്കിൽ ഇമെയിൽ മുഖേന ബന്ധപ്പെടാവുന്നതാണ്. 

അയക്കേണ്ട വിലാസം: Secretary, KIMSAT Hospital, Govindamangalam, Kadakkal P.O., Kollam, PIN 691536
Email: kimsatcare@gmail.com

കടയ്ക്കൽ GVHSS-ൽ ജില്ലാ പഞ്ചായത്തിന്റെ വികസന പദ്ധതികൾക്ക് തുടക്കം

കടയ്ക്കൽ: ജില്ലാ പഞ്ചായത്ത് വികസന സ്റ്റാൻഡിങ് കമ്മിറ്റി ചെയർപേഴ്സൺ ജെ. നജീബത്തിന്റെ അധ്യക്ഷതയിൽ നടന്ന ചടങ്ങിൽ പ്രസിഡന്റ് ഡോ. പി.കെ. ഗോപൻ വിവിധ വികസന പദ്ധതികൾ ഉദ്ഘാടനം ചെയ്തു. 27 ലക്ഷം രൂപ ചെലവിൽ നിർമ്മിച്ച ഗേൾസ് ഫ്രണ്ട്ലി ടോയ്ലറ്റ് കോംപ്ലക്സ്, 20 ലക്ഷം രൂപയുടെ മെയിന്റനൻസ് പ്രവർത്തനങ്ങൾ, 13 ലക്ഷം രൂപയുടെ ത്രീ ഫേസ് ഇലക്ട്രിക് കണക്ഷൻ എന്നിവയാണ് പ്രധാന പദ്ധതികൾ.

പൂർവ വിദ്യാർത്ഥികളുടെ സഹകരണത്തോടെ സജ്ജീകരിച്ച ആർട്ട് ഗ്യാലറിയും ചടങ്ങിന്റെ ഭാഗമായിരുന്നു. വിവിധ SSLC ബാച്ചുകളിൽ നിന്നുള്ള പൂർവ വിദ്യാർത്ഥികളിൽ നിന്ന് സാമ്പത്തിക സഹായങ്ങളും ലഭിച്ചു 1990 ബാച്ചിൽ നിന്നു ₹50,000, 1993 ബാച്ചിൽ നിന്ന് ₹10,000, 1988 ബാച്ചിൽ നിന്ന് 50 കസേരകൾ.

പുതുതായി എട്ടാം ക്ലാസിൽ പ്രവേശനം നേടിയ വിദ്യാർത്ഥികൾക്കായി "നക്ഷത്രങ്ങളെത്തേടി" എന്ന അവധിക്കാല ക്യാമ്പും ഉദ്ഘാടനം ചെയ്തു. ക്യാമ്പിന്റെ ആദ്യ ദിനത്തിൽ 400 കുട്ടികൾ പങ്കെടുത്തു. ഉച്ചഭക്ഷണം അടക്കം മുഴുവൻ സൗകര്യങ്ങളും സ്കൂളിന്റെ ഭാഗത്തുനിന്നും ഒരുക്കി. ഉദ്ഘാടന സമ്മേളനത്തിന് ശേഷം ശ്രീ ഗോപകുമാർ പാർത്ഥസാരഥി നയിച്ച “പാട്ടും പറച്ചിലും” എന്ന പരിപാടി നടന്നു. ഉച്ചയ്ക്കുശേഷം ശ്രീ ഗോപാലകൃഷ്ണപിള്ള സാർ നയിച്ച ” പേപ്പർ ക്രാഫ്റ്റ് ” എന്ന പരിപാടി നടന്നു.”

രണ്ടാം ദിവസം ലഹരിവിരുദ്ധ റാലിയും, കലാ-കായിക ക്ലാസുകളും, രക്ഷിതാക്കൾക്കായി ബോധവൽക്കരണ സെഷനുകളും ഉൾപ്പെടുത്തിയിട്ടുണ്ട്. ബ്ലോക്ക് പഞ്ചായത്ത് പ്രസിഡന്റ് ലതിക വിദ്യാധരൻ, ഗ്രാമ പഞ്ചായത്ത് പ്രസിഡന്റ് എം. മനോജ് കുമാർ, ബ്ലോക്ക് മെമ്പർ സുധിൻ കടയ്ക്കൽ, കെ.എം. മാധുരി, വേണു കുമാരൻ നായർ, പിടിഎ പ്രസിഡന്റ് എസ്. ബിനു, എസ്.എം.സി ചെയർമാൻ നന്ദനൻ എസ്, മറ്റ് ജനപ്രതിനിധികൾ, അധ്യാപകർ, രക്ഷിതാക്കൾ തുടങ്ങിയവർ ചടങ്ങിൽ പങ്കെടുത്തു.

ഹെറോയിനും കഞ്ചാവുമായി ആസാം സ്വദേശി ചടയമംഗലം എക്‌സൈസ്ന്റെ പിടിയിൽ

ചടയമംഗലം: ചടയമംഗലം എക്സൈസ് ഇൻസ്പെക്ടർ രാജേഷിന്റെ നേതൃത്വത്തിൽ നടത്തിയ പരിശോധനയിൽ ചടയമംഗലം ജംഗ്ഷന് സമീപം വച്ച് കഞ്ചാവും,ഹെറോയിനുമായി ആസ്സാം സ്വദേശിയായ ഹുസൈൻ അലി മകൻ 37 വയസുള്ള അംജിത്ത് അലി എന്നയാളെ അറസ്റ്റ് ചെയ്തു ഇയാളുടെ കൈവശം നിന്നും 1.1 ഗ്രാം ഹെറോയിനും കഞ്ചാവും പിടികൂടി.

ചടയമംഗലത്തും പരിസരപ്രദേശങ്ങളിലും ചിലർ മയക്കുമരുന്നുകളും മറ്റ് ലഹരിവസ്ത്തുക്കളും, അന്യസംസ്ഥാനങ്ങളിൽ നിന്നും എത്തിക്കുന്നുണ്ടെന്ന് രഹസ്യ വിവരം ലഭിച്ചതിന്റെ അടിസ്ഥാനത്തിൽ നടത്തിയ പരിശോധനയിലാണ് ഇയാൾ പിടിയിലാകുന്നത് പാർട്ടിയിൽ അസിസ്റ്റന്റ് എക്സൈസ് ഇൻസ്പെക്ടർ ഷാജി, പ്രിവൻറ്റീവ് ഓഫീസർ സനൽകുമാർ സിവിൽ എക്സൈസ് ഓഫീസർമാരായ ചന്തു, ബിൻസാഗർ, രാഹുൽ, നിഷാന്ത്, രോഹിണി, എന്നിവർ പങ്കെടുത്തു.

കെല്‍ട്രോണ്‍ പ്രവേശന അപേക്ഷ ക്ഷണിച്ചു

കെല്‍ട്രോണ്‍ നോളജ് സെന്റര്‍, കൊല്ലം ലോജിസ്റ്റിക്‌സ് ആന്റ് സപ്ലൈ ചെയിന്‍ മാനേജ്‌മെന്റ്, കമ്പ്യൂട്ടര്‍ ഹാര്‍ഡ്‌വെയര്‍ & നെറ്റ്‌വര്‍ക്ക് മെയിന്റനന്‍സ്, ഫയര്‍ ആന്റ് സേഫ്റ്റി, മോണ്ടിസോറി ടി.ടി.സി. കോഴ്‌സുകളിലേക്ക് അപേക്ഷ ക്ഷണിച്ചു.

കൂടുതൽ വിവരങ്ങൾക്ക്: 

ഫോൺ: 0474 2731061, 8547631061
സ്ഥലം: ടൗണ്‍ അതിര്‍ത്തി, കെല്‍ട്രോണ്‍ നോളജ് സെന്റര്‍, കൊല്ലം

കടയ്ക്കൽ ടൂറിസത്തിന് പുതിയ രൂപം; മൂന്നു ഘട്ട പദ്ധതികൾ

കടയ്ക്കൽ: കടയ്ക്കൽ ഗ്രാമപഞ്ചായത്ത് ഭരണസമിതിയുടെ സുപ്രധാന തീരുമാനങ്ങളിലൊന്നായ കടയ്ക്കൽ ടൂറിസം പദ്ധതിയുടെ ആദ്യഘട്ടം ഈ വർഷം ഓഗസ്റ്റിൽ ജനങ്ങൾക്കായി തുറന്നുകൊടുക്കും. 2021-ൽ അധികാരത്തിൽ വന്ന ഭരണസമിതി വർഷങ്ങളായുള്ള നാടിൻ്റെ സ്വപ്ന പദ്ധതി യാഥാർത്ഥ്യമാക്കാൻ തീവ്രശ്രമത്തിലാണ്.

ഗ്രാമപഞ്ചായത്ത് പ്രസിഡൻ്റ് എം. മനോജ് കുമാർ അറിയിച്ചതനുസരിച്ച്, വെറുമൊരു പ്രാദേശിക ടൂറിസം എന്നതിലുപരി, കടയ്ക്കലിൻ്റെ പേര് ടൂറിസം ഭൂപടത്തിൽ അടയാളപ്പെടുത്തുന്ന ഒരു ബൃഹത്തായ പദ്ധതിയാണ് ലക്ഷ്യമിടുന്നത്. ഇതിൻ്റെ ഭാഗമായി ടൂറിസത്തിന് 'കടയ്ക്കൽ ടൂറിസം' എന്ന് പുനർനാമകരണം ചെയ്യുകയും മൂന്ന് പ്രധാന ഘട്ടങ്ങളിലായി വികസനം നടപ്പിലാക്കുകയും ചെയ്യും.

പദ്ധതിയുടെ പ്രധാന ഘട്ടങ്ങൾ:

• ഫെയിസ് 1: മാറ്റ്ടാംപാറ അഡ്വഞ്ചർ പാർക്ക്: സാഹസിക വിനോദങ്ങൾക്കും കൗതുകകരമായ അനുഭവങ്ങൾക്കും പ്രാധാന്യം നൽകുന്ന ഈ ഘട്ടം, ടൂറിസം പദ്ധതിയുടെ പ്രധാന ആകർഷണ കേന്ദ്രമായി മാറും.

• ഫെയിസ് 2: കടയ്ക്കൽ ആധുനിക മാർക്കറ്റ്, വിപ്ലവ സ്മാരക സ്ക്വയർ, സാംസ്കാരിക നിലയം: ഈ ഘട്ടത്തിൽ അത്യാധുനിക സൗകര്യങ്ങളോടുകൂടിയ മാർക്കറ്റ്, വിപ്ലവ സ്മാരക സ്ക്വയർ, പുതിയ സാംസ്കാരിക നിലയം എന്നിവ നിർമ്മിക്കും. ഇത് കടയ്ക്കലിനെ കേരളത്തിലെ ശ്രദ്ധേയമായ ഒരു സ്ഥലമാക്കി മാറ്റും. കൂടാതെ, ഇന്ത്യയിലെ ഏറ്റവും ഉയരം കൂടിയ സ്വാതന്ത്ര്യ സ്മാരകവും ഇവിടെ സ്ഥാപിക്കാൻ ലക്ഷ്യമിടുന്നു.

• ഫെയിസ് 3: കടയ്ക്കൽ ദേവീക്ഷേത്രവും അനുബന്ധ ക്ഷേത്രങ്ങളും: തളി ക്ഷേത്രം, ശിവക്ഷേത്രം, കിളിമരുത്ത് കാവ് തുടങ്ങിയ ക്ഷേത്രങ്ങളെ ബന്ധിപ്പിച്ച് റോഡുകൾ മനോഹരമാക്കുകയും ലൈറ്റ് മിനി ടൗവറുകൾ സ്ഥാപിക്കുകയും ചെയ്യും. തീർഥാടകർക്കായി വെയിറ്റിംഗ് ഏരിയകളും ആധുനിക ടോയ്ലറ്റ് സംവിധാനങ്ങളും ഒരുക്കും. നിലവിലുള്ള സംവിധാനങ്ങളെ മെച്ചപ്പെടുത്തി ഒരു മഹാതീർഥാടന കേന്ദ്രമാക്കി മാറ്റുകയാണ് ലക്ഷ്യം.

ഈ മൂന്ന് ഘട്ടങ്ങളിലൂടെ കടയ്ക്കലിൻ്റെ സമഗ്രമായ വികസനമാണ് ഗ്രാമപഞ്ചായത്ത് ലക്ഷ്യമിടുന്നത്. ഈ സ്വപ്നം യാഥാർത്ഥ്യമാക്കാൻ പഞ്ചായത്തിൻ്റെ നിയന്ത്രണത്തിൽ 25 അംഗങ്ങളുള്ള ഒരു ടൂറിസം മാനേജ്മെൻ്റ് കമ്മിറ്റി (TMC) രൂപീകരിക്കും. ഈ കമ്മിറ്റിയായിരിക്കും പദ്ധതിയുടെ രൂപരേഖ തയ്യാറാക്കുകയും നടപ്പിലാക്കുകയും ചെയ്യുന്നത്.

2025-26 സാമ്പത്തിക വർഷത്തിൽ 50 ലക്ഷം രൂപയുടെ പദ്ധതി വിഹിതം ഉപയോഗിച്ച് മാറ്റ്ടാംപാറ അഡ്വഞ്ചർ പാർക്കിൻ്റെ ആദ്യ ഘട്ടം ഓഗസ്റ്റ് മാസത്തിൽ പൊതുജനങ്ങൾക്കായി തുറന്നുകൊടുക്കാൻ സാധിക്കുമെന്നാണ് പ്രതീക്ഷ. ഇതിനായി 25-ൽ അധികം മിനി ഡി.പി.ആർ (Detailed Project Report) കൾ തയ്യാറാക്കുന്നുണ്ട്.

ഈ വലിയ മുന്നേറ്റത്തിന് എല്ലാ ബഹുജനങ്ങളുടെയും പിന്തുണയും സഹായവും ഉണ്ടാകണമെന്ന് ഗ്രാമപഞ്ചായത്ത് പ്രസിഡൻ്റ് എം. മനോജ് കുമാർ അഭ്യർത്ഥിച്ചു. കടയ്ക്കലിൻ്റെ ടൂറിസം മേഖലയ്ക്ക് ഇതൊരു നിർണ്ണായക വഴിത്തിരിവാകുമെന്നും വരും തലമുറയ്ക്ക് ഇതൊരു മുതൽക്കൂട്ട് ആകുമെന്നും പ്രതീക്ഷിക്കാം.

കടയ്ക്കലിൽ അപകടത്തിൽ യുവാവ് മരണപ്പെട്ട സംഭവത്തിൽ; പ്രതിക്ക് നാട്ടുകാരുടെ മർദ്ദനം

കടയ്ക്കൽ: കാറിടിച്ചുണ്ടായ അപകടത്തിൽ സ്കൂട്ടർ യാത്രികൻ മരണപ്പെട്ട സംഭവത്തിൽ, കാറോടിച്ചിരുന്നയാളെ നാട്ടുകാർ മർദ്ദിച്ചു. ആഴാന്തക്കുഴി പഞ്ചമത്ത് സ്വദേശി ശ്യാം (35) ആണ് ഇന്നലെ അപകടത്തിൽ മരിച്ചത്. ചുണ്ട പട്ടാണിമുക്ക് സ്വദേശി റഹീമിനെയാണ് മരണപ്പെട്ട ശ്യാമിന്റെ ബന്ധുക്കളും സുഹൃത്തുക്കളും ചേർന്ന് പിടികൂടി മരണവീട്ടിലേക്ക് കൊണ്ടു വന്നത്.

റഹീമിനെ കഴിഞ്ഞ ദിവസം പോലീസ് കസ്റ്റഡിയിൽ എടുത്തിരുന്നെങ്കിലും പരിക്കുള്ളതിനാൽ വിട്ടയച്ചിരുന്നു. ഇന്ന് നിലമേൽ ഭാഗത്ത് റഹീമിനെ തിരിച്ചറിഞ്ഞ നാട്ടുകാർ ബലമായി പിടിച്ച് വാഹനത്തിൽ കയറ്റി. മരണ വീട്ടിലെത്തിച്ചപ്പോൾ റഹീമിന് മർദ്ദനമേറ്റതായി പോലീസ് വ്യക്തമാക്കി.

സംഭവം അറിയിച്ചിട്ടെത്തിയ കടയ്ക്കൽ പോലീസ്, വാക്കേറ്റത്തിനിടെ റഹീമിനെ വീണ്ടും കസ്റ്റഡിയിൽ എടുത്ത് താലൂക്ക് ആശുപത്രിയിൽ പ്രവേശിപ്പിച്ചു. ഒരാളെ വാഹനം ഇടിച്ചു കൊലപ്പെടുത്തിയ ശേഷം പ്രതിയായിട്ടുള്ള ആളെ വിട്ടതിലുള്ള വീട്ടുകാരുടെയും ബന്ധുക്കളുടെയും നാട്ടുകാരുടെയും വലിയ പ്രതിഷേധം ഉണ്ടായത്.

കടയ്ക്കൽ വില്ലേജ് ഓഫിസിന് ലാൻഡ് റവന്യു അനുമോദനം

കടയ്ക്കൽ: 2024-25 സാമ്പത്തിക വർഷത്തിൽ ലാൻഡ് റവന്യു ഇനത്തിൽ മികച്ച പ്രവർത്തനം കാഴ്ചവെച്ച കടയ്ക്കൽ വില്ലേജ് ഓഫീസിനും സ്റ്റാഫുകൾക്കും കൊട്ടാരക്കര താലൂക്ക് ഓഫീസിന്റെ നേതൃത്വത്തിൽ അനുമോദനം നൽകി. കടയ്ക്കൽ വില്ലേജ് ഓഫീസർ അനിൽ അനുമോദനം ഏറ്റുവാങ്ങി.